Quotes

Sunday, November 25, 2012

How To Write Urdu Novel Writing Tips Method Book Tarika

Agar aap ko likhnay ka shooq hai agar aap samajhtay hain ke aap main woh qualities hain jo aik writer main hoti hain yani agar aap apna koi urdu novels jese romantic urdu novels, action adventure, jasoosi, khaufnak kahani yani horror thriller urdu novels ya apni aap beeti ya childrens ki stories ya afsanay ya drama ya koi islamic book likhna chahtay hain aur us ke baray main basic guide online hasil karna chahtay hain tou ye post aap ke liye kafi informative hai.
How To Write Urdu Novel Tips Ideas Methods:
Kitab Book Likhne Ka Tareeqa:
Kisi bhi novel ko likhnay ke liye zehan main start se lay kar end tak ki sari story waziha honi chahiye. Is liye kahani likhnay ke liye pehle sari kahani soch li jaye aur kahani likhnay ke liye plot, characters, dialogue, manzar nagari. Dialogues main jitni jaan ho gi utna hi novel parhnay walay ke dil tak utray ga, agar aap jan'na chahain ke dialogues kis tarah ke honay chahiye, kese honay chahiyain tou isi blog par aik post sirf isi liye mojod hai.
Start Writing Urdu Book:
Jub novel likhna start karain tou story ka end zehan main rakh kar likhna shuru karain. Agar story ka end aap ke zehan main ho ga tou aap sari story likhtay waqt zayada asani mehsos karain gey, plot main dialogues main characters ke baray main. Kahani main aik dunya abad karain, novel main geography takhleeq karain jesay, government, shehar, qasbay, village etc.
Jub novel ke baray main koi idea zehan main aye tou usay aik copy main likh main, Agar sari kahani pehle soch kar phir likhna start kiya jaye tou sirf tab hi aap kahani ke end tak pohanch saktay hain aur is ka aik aur fayedah ye bhi hai ke aap ke liye dialogue novels ke jesay jesay aap likhtay jayain gey bantay jayain gey, Jo khuch bhi aap likh rahay hon us main doob kar likhain.
Manzar Nigari:
Novel main manzar nigari jitni khubsurat ho gi utra hi kahani parhnay ka maza aye ga, misal ke toor par is line par ghoor karain khuch is tarah ki manzar kashi aap apne urdu novel main karain.
"Sarak par barish ke qatray aaj khuch alag tor hi utar rahay thay, Suraj bhi pichlay 2 ghanton se badlon ne chupa rakha tha, hawa itni teez thi ke kamray ki khirki baar baar khulti aur band hoti ja rahi thi. Main bhi usi kirki ke paas aa baitha  tha aaj na bahir hawaon main koi parinda tha aur na suraj ki kirnain door door tak asman se zameen par utarti hoi barish ke qatray aur un ka haseen cham cham ka shoor tha, main kafi dair tak ye nazara ankhon main qaid karta raha."
Manzar is tarah create karain ke usay parh kar haqeeqat ka gumaan ho aur aisa mehsos ho jesa aik alag hi dunya aap ke lafzon se aap ke novel ke safhon par abad ho chuki hai.
Agar aap apna urdu novel likh rahay hain ya likh rahi hain aur is baray main khuch aur agahi ya help ki zaroorat ho tou aap comment kar dain isi post ke neechay.
Urdu Novel Book Covers Idea
Wallpaper Urdu Shayari Urdu Poetry Idea Picture
Urdu Kahani Likhnay Ke Liye Zaroori Cheezain aur Methods:
Great novel Plot, ideas, unique story, awesome urdu dialogues, powerful characters, urdu quotes, novel se mutaliq history se agahi, likhnay se pehle khuch novels parh lain takay aap ko idea ho jaye urdu book write karnay ka, kahani main shayari ka istmal karain jahan jahan zaroorat ho.
Kahani likhnay ke liye aap ke paas 2 tarikay hain:
(you have two methods to write a urdu novel)
1: Qalam aur Kaghaz Ke Zariye Se Kahani Likhi Jaye:
 Ye tareeka aaj tak tab se use kiya ja raha hai jub se qalam aur kaghaz par likhnay ka amal shuru howa tha is method main kahani likhnay ke liye 1 pen aur khuch papers darkar hotay hain jin par kahani ko likha jata hai aur jo ideas zehan main kahani se related atay hain un ko alag se likh liya jata hai jo kahani likhnay ke doraan madadgar sabit hotay hain.
2: Computer, Notebook, Laptop Par Kahani Likhi Jaye:
Ye hai kahani likhnay ka jadeed tarika yani (modern method of writing novel) is tareeqay ke zariye se aap apne laptop ya computer par notepad main ya wordpad main kahani likh saktay hain roman urdu novel ki language main aur jub kahani likh main tou unhi paragraphs aur saray pages ko aap urdu main likh saktay hain aur ye tareeqa sirf tab use karain jub aap khud apna urdu novel publish karna chahtay hon. Notepad main apna novel likhnay ka aik ye benefit bhi hai ke is tarah aap bina waqt zaya kiya jo bhi tabdeeli plot main ya lines main karna chahtay hon asani se change kar saktay hain aur internet ke zariye novel se mutaliq search kar ke malumaat hasil kar saktay hain aur aap ka dhihan hatay ga bhi nahin. Novel likhne ke liye ye zaroori hai ke aap apni kahani ke kirdaron aur us ke lafzon main kho kar likhain aur dil se likhain kyoun keh jo baat dil se kahi jaye chahay woh simple hi kyoun na ho hamesha dil tak utarti hai aur jo cheez simple na ho par dil na na utray tou us ka bhi koi fayeda nahin hai.
ye hain 2 urdu novel writing methods ab aap ko ye faisla khud karna hai ke in dono methods main se kon sa tarika aap ke liye zayada asani ka baes hai.
Agar aap ne apna novel likh liya howa hai aur aap apne lafzon ko kitab ki surat main lana chahtay hain tou aap khud bhi apni kitab ghar baithay baithay hi publish kar saktay hain yani self-publishig ke zariye se.
Kis tarah se khud book chaap saktay hai ye jannay ke liye is post se "Kitab publish karnay ka tareeqa" rehnumai hasil karain aur is tarah aap ka woh kharcha bach jata hai jo book composing karnay aur publish karnay ki surat main ata hai jo ke hazaron pakistani rupees main hai.

:Urdu Meaning Pictures Hindi Tips Islam Books Information:


19 comments:

  1. ma nay kai bar apnay masoom khayalo ko noval ki sorat dainay ki nakam koshes ki ha .
    mjy kaya jatan karany paray gay k kam iz kam ik noval kikh kar apni zat say khush ho jao ////,,,,?

    ReplyDelete
    Replies
    1. Novel likhne se pehle apne novel ka plot kahani puri soch lain aur phir likhain kyoun keh jub tak kahani puri zehan main clear nahin ho gi tab tak aap novel complete nahin kar saktay is liye pehle story characters waqiyat wagera soch lain phir likhain.

      Delete
  2. assallam alekum
    ap ki post to boht zabrdast hai, main 2 novels likh raha hun ek world war 2 or dusra 9/11 k attacks k hawale se... main in k bare main books dhoond dhoond kr thak gya ap plz meri help kare, mujhe ye janna hai k world war 2 main franc k kon kon se cities main jung hui thi or kitne log is ka shikar hue the, or 2nd novel main yea janna hai k 9/11 k bad muslims par kia guzri thi?

    ReplyDelete
    Replies
    1. 3 june 1940 ko france par humla howa tha germani ke tayaron se aur 6 june ko wahan ke logon ke bataya ke 2000 dushman ke tanks se hazaron faransisi fauji halak howe aur fooj bikhar gayi youn usay shikast hoi, aur ap ke second novel k liye ye k Musalmanon ko us waqaya ke baad sari dunya main shak ki nazar se dekha jata tha jis ka asar ab bhi hai aur kafi begunah logon ki zindagiyan kharab hoi...

      Delete
  3. App ney manzar nigari bohat achay paraye main bean key hay bohat acha laga shukria

    ReplyDelete
    Replies
    1. manzar nigari pasand karne ke liye shukriya :)

      Delete
  4. assalam o alaekum
    aap ne bataya tha k self publishing k zarye say hum ghar baithay book publish karwa saktay hain. oss k liye plz koi link dain k hum kin kin say contact karain or about kitni cost aa jati hai aik novel ko publish karwanay main. or oss k liye deebacha wagaira kaisay likhwaya jaye ga?

    ReplyDelete
    Replies
    1. W.S cost itna zayada nahin ho gi agar aap khud is ko urdu inpage mein likh kar book ya novel compose kar lain phir us ke prints nikal lain aur phir agar book binding method aap ko ata hai tou khud kar lain warna kitabon ki market se book binding karwa lain. Is mein agar aap apni kitab ko tasweeron ke sath publish karna chahin aur ye ke pages 200 to 300 hon tou is method se zayada se zayada cost 1000 to 1500 ho gi.

      Delete
  5. v nice suggestion thnx to tell us

    ReplyDelete
  6. apne start main mention kia k agar ap k likhny ki salahiyat hai tu likh sakhty hain......aur agar likhny ki salahyat na ho aur begganers ho aur first time likh rhy hun tuh os k lye kaise novel likhny ka idea hai?

    ReplyDelete
    Replies
    1. new urdu writers ke liye apni pehli umda tehreer likhne ki suggestion ye hai ke woh sub se pehle ye kaam karain ke jub novel likhnay lagain tou pen utha kar foran hi na likhna start karain balkeh start se end tak apne zehan mein story bana lain novel mein jo characters bhi pehle hi bana lain aur jub sari story puri aap ke brain mein ban jaye tou phir writing start karain aur aik important baat ke manzar nigari bhi beautiful andaz mein bayan karain un mein aap barish ka barasna, suraj ki kirnon ka zikar, parindon ka hawaon mein urna wagera wagera karain is se aap ke novel mein aik ronaq si par jaye gi aur parhne mein interest aur parh jaye ga.... for example manzar nigari ye hai "December ki akhri sham bhi ahista ahista alwida ho rahi thi, sham ke saye aaj mujhe khuch zayada udas andaz mein utar rahe thay... Magar us ki talash mein mujh par shamain tou najanay kab ki utar chuki thien." Ye thi example umeed hai jub new writers is tip ke sath likhna shuru karain gey tou unhain novel writing easy lage ga.

      Delete
  7. novel likhny k liye sab se achi kesi story ho i.e romantic , tragedy.....?

    ReplyDelete
    Replies
    1. Donon hi behtar hain asal baat ye hai ke aap ki kahani zabardast honi chahiye khuch youn ke novel read kartay waqt interest barqarar rahe phir chahe novel ki koi bhi theme ho parhne walon ke dil tak zaroor utray gi.

      Delete
  8. sir main apne father ki zindagi k bare main likhna chahta ho

    ReplyDelete
  9. main novel likhna chah rhe hun r main start bhe kar chuki hun.. apki in post r comments ko parh k mujhe bht acha lga... ma INSHA ALLAH pana novel likhun ge ma poetry bhi karti hun

    ReplyDelete
  10. Mein apna phela novel likh rahi hun. Laikin mein chahti hun mere publish karanay se phele wo novel koi thouroughly read karle. Kia internet pe koi ese log hotay hain jo pro reading karlen?

    ReplyDelete
    Replies
    1. Aap khud apna novel parhain aur agar aap ne hathon ki jagah dil se likha hai tou aap ka novel zaroor acha ho ga kisi ko parhanay ki zaroorat nahin

      Delete
  11. likhne ke time language kon si use krna behter he??
    i mean aisi wali urdu ( URDU )ya pher ( اوردو) ????

    ReplyDelete

 
eXTReMe Tracker