Quotes

Sunday, November 25, 2012

Printing Urdu Novel Self-Publish a Book In Pakistan India Publishing

Self-publishing aaj ke door main bohat asaan kaam ho gaya hai. Ab bohat saray writers apni kitabain likh kar khud online publish bhi kar saktay hain aur prints bhi nikal saktay hain un books ke.
Book ko publish karnay ke liye pehle us ki composing karna lazmi hoti hai is ke bina book kisi surat shaya nahin ho sakti. Apni tehreer ko kitabi shakal main lanay ke liye aap ko urdu inpage 2014 software ki zaroorat ho gi jis ko aap bazar se khareed kar download kar saktay hain ya phir online free websites se download bhi kar saktay hain agar aap ko inpage ka latest version nahin mil raha tou aap old urdu inpage 2000 bhi download kar saktay hain aur ab atay hain inpage se urdu book compose kar ke us ke prints nikal kar kitabi shakal main lanay ka tarika jantay hain.
What is Urdu Inpage?
Urdu inpage aik complate page layout software package hai jo right side se likhi janay wali language jesay Urdu zuban, Arabic, Farsi (Persian) aur Sindhi zuban ko bohat behtar dhang se kaam karnay ki sahulat faraham karta hai sath hi English language aur left side se likhi janay wali kisi bhi zuban ke fonts jo windows ke muwafiq hon) ke kaam ke liye bhi saray features available hain. Inpage urdu professional main mazeed Kashmiri. Dari, Hazargi, Pashto, Saraiki, Kurdish language ka izafa kiya gaya hai.
How To Compose Urdu Books And Titles Using Urdu Inpage Software:
1: is software ko download karnay ke baad run karain us ke baad inpage open karnay par ye screen open ho jaye gi.
2: Ab file par click karain gey tou aap ko new page ki option nazar aye gi us par jub aap click karain gey tou aap ke paas is tarah ki screen khul jaye gi aur yahan par A4 Page ki settings nazar arahi hain ye kitab ke page ka size hota hai aap apni book ka jitna size rakhna chahain us lihaz se aap page ki setting kar lain aam toor par A4 210x297mm size use hota hai.
3:  In dono steps ke baad aap aap ajayain edit wali option ki taraf is main aap ko sub se neechay preferences likha howa nazar araha ho ga us par mouse lay kar jayain gey tou aap ko keyboard preferences ki option nazar aye gi us ko open karain aap ke samne khuch is tarah ki screen arahi ho gi.
4:  Jub aap keyboard preferences ki option use kar lain gey us ke baad ye screen khulti hoi nazar aye gi aap ko jis main aap apne keyboard ki setting karain gey is main aap ko karna ye hai ke sirf yahan par Phonetic select kar lain
5:  Woh writers jo apna urdu novel khud compose aur print karna chahta hain woh jub inpage ko use karna start kartay hain tou ye nahin jantay ke kis letter ko type karney ke baad kon sa urdu ka lafz likha jaye ga woh phonetic keyboard (view) par ja kar ye jaan saktay hain ke woh apne keyboard se kya press karain gey tou apna kaam kar saktay hain.
6:  Yahan par pichli window band kar ke aap ko font settings karni hai jo ki highligh ki gayi hai is pic main ke kahan se karni hai ye normal settings hain aap apne hisab se woh settings kar lain jis ki aap ko zaroorat hai. Yani lafz ka size, colour etc. Aur ab aap ke samne jo window hai us main aap type karain gey tou dekhain gey ke aap agar likh rahay hain lafz "Shayari" tou urdu main shayari likha howa nazar aye ga aap ko par phonetic keyboard ke letters ke hisab se aap ko ab typing karni ho gi apni book publish karnay ke liye.
7:  Uper tak aap ne jitna work kiya hai us ke baad aap ki settings ho gayi hain urdu book ki typing ke liye ab export par jayain.
8: Aap ke paas jo window arahi hai us main browse likha nazar araha ho ga us par jayain.
9:  Aap ne jo likha hai us ko save karnay ke liye koi sa bhi name likh kar jis jagah save karna hai kar lain aur akhri wali option select kar ke save kar lain.
 Is Book Publishing Tutorial main khuch basic cheezain aap ne seekh li hain ab pages ke uper kitab ka naam aur safhay ka number likhna ho tou window par jo Een likhay howe nazar arahay hain un main jo us se nichay likha howa hai us par click karain gey tou page ka number dalna aur book ka name likh saktay hain aap. Is ke ilawa agar aap ko aur bhi khuch janna ho apni book likhnay ke baray main print karnay ke liye headings titles wagera ya in ke baray main kisi ke baray main information hasil karna chahtay hain tou mujhe se pata kar saktay hain. Maslan graphic box, rangeen surkhi heading dena newspaper akhbar ki tarah, kitab ki layout designing karna,  urdu aur english ki dictonary banana, ghazal layout yani agar aap ki kitab main shayari bhi hai aur aap us ko likhna chahtay hain is tarah jis tarah is image main nazar arahi hai
ya phir maths likhna, urdu ke sath arabic aur farsi bhi likhna, internet ke liye file generate karna, Hashiya tayar karna, Urdu main book email karna, aur complete free professional book print publish karna is sub ke cheezon ko online seekhna chahain tou aap yahan bata dain aap ke liye us topic par aik puri post isi blog par likh di jaye gi aur aap aisi tutorial ki tarah us ko bhi easily learn kar sakain gey.

:Urdu Meaning Pictures Hindi Tips Islam Books Information:


6 comments:

  1. @Ayaz Bashir aap contact page mein se mera email id lay kar mujhe email kar dain main aap ke sawalat ka answers aap ko bata doun ga ya phir mere fb page par novel publish ke hawale se message kar dain.

    ReplyDelete
  2. This is a nice app..i makes my work easy..but i am tired by trying to get it download...but i dont know how to get it download...plz anyone tell me how to get download urdu inpage...i have tried several times but failed

    ReplyDelete
  3. Assalam-o-alaikum
    Bhai bohat acha tutorial tha apka. Jazakallah

    Mujay help chahieye thi thori. Book publish karnay k liye standard page size or font size kiya rakha jata hy.
    Is k ilawa microsoft word main b kiya book likhi ja sakti hy? Font wagaira installed hain.

    ReplyDelete
    Replies
    1. W.A the standard page size should be A4 210 x 297 mm 8.3 x 11.7 and yes you can write in microsoft word also and text size depend on font. I suggest you to use nafees or jameel noori nastaleeq and use inpage & you can also email me for book composing.

      Delete
    2. sir ma aik afsana likh rhi hu but pages pe likh rhi hu ma use likh k book ki shakal may lana chahti hu kia ye tareeqa theek hai??? or likh kr publish kahan se krwaya jaye ga???plz help me about this i'll b thankfull to u

      Delete
    3. agar khud publish karna hai afsana tou online urdu mein likh kar print nikalwa lo

      Delete

 
eXTReMe Tracker

Google+ Followers

Contact

Name

Email *

Message *