Benefits Ya Qahharu Fazilat Wazifa Ya Qahharu Taweez Meaning zikr

Allah sub par ghalib hai balkeh ghalib se ghalib tar hai aur har aik zabardast se zabardast hai. Zabardaston ko zair rakhnay wala ha. Ya Qahharu jalali hai aur is ke adaad 306 hai jo shukhs isay parhay ga us ki tabiyat main jalal paida ho ga aur dunya ki mohabbat us ke dil se nikal jaye gi khatam ho jaye gi aur Allah Pak ki izzat us ke dil main paida ho jaye gi.

 Al-Qahhar - Aay Qehar Wale:

wazifa Allah Ki Mohabbat Ka Paida Hona: Baaz bazurgan deen ka is Ism se mutaliq khayal hai ke isay kasrat se agar parha jaye tou Allah ki muhabbat paida ho jati hai. Aisa insan jisay dunya ko choor kar Allah ka rasta matloob ho tou us ke liye Ya Qahharu ka wird bohat mufeed hai.

wazifa Jadoo Ka Asar Khatam Karnay Ka Amal: Ya Qahhar ka wird jadu ka asar khatam karnay ke liye bhi bohat akseer hai. Agar kisi mard ya aurat par kala ilm ya jadu ke taweezat dalay gaye hon tou "Ya Qahharu" ko 7 roz tak 1836 martaba rozana pani par dam kar ke pilayain. Magar is wird ke start main 11 baar Ayatul Kursi parhain aur akhir main 11 martaba Surah Al-Nas parhain. Insha'Allah kalay ilm ke taweez ke asraat khatam ho jayain gey.

wazifa Asiab Zada Jagah Ko Khali Karwana: Agar kisi jagah ya kisi bachay par asaib ke asrat hon yani bachay ko dar lagta ho ya makan ki kisi jagah se khauf ata ho tou wahan is Ism ko 2100 martaba rozana parhain aur pani par dum kar ke us jagah chirkayain. Agar bacha ho tou us par bhi dam shuda pani ke chintay lagayain. 11 rooz tak ye amal karain. Dard ke shuru main 11 martaba Ayat ul Kursi aur charon Qul parhain aur wird ke akhir main bhi Ayat ul Kursi aur charon Qul gayarah baar parhain Insha'Allah asiab ke asraat khatam ho jayain gey.

Picture Ya Qahharu Wallpaper

wazifa Dushman Ko Zair Karne Ka Amal: Ya Qahharu dushman ko zair karne ke liye bohat mosar hai. Agar koi dushman bohat tang karta ho tou baad namaz asar is Ism ko rozana 11 din tak 4100 baar parhain. Agar is ye pehle Ya Jabbar ka izafa kar lain tou behtar ho ga yani Ya Jabbaru Ya Qahharu tou Insha'Allah dushman zair ho jayain gey aur aap ko koi nuqsan nahin pohancha sakay ga.

wazifa Bachon Ke Sukhay Ka ilaj: Bachon ke marz sukhay main "Ya Qahhar" ka wird bohat behtar hai. Khuch tail (oil) lay kar us par 100 baar Ya Qahhar parh kar dam kar ke malish karain Insha'Allah dubla pan khatam ho kar bacha sehat mand ho jaye ga.

Ya Qahharu Ka Chilla Aur Naqsh: 

 Ya Qahharu ka amil bannay ke liye Ya Qahhar 40 din tak 12500 baar rozana parhain aur phir hi aap is Ya Qahharu ka taweez dusron ko de saktay hain.