Benefits Ya Samiu Fazilat Ya Samio Wazifa Taweez

Sun'nay ki haqeeqi taqat Parwadigar-e-Alam main hai us ki ye taqat lazawal hai aur hamesha se ye taqat Allah Ta'ala ki zaat ke sath wabasta hai aur hamesha rahay gi. Kyoun keh woh apni makhlooq main se har aik ki awaz ko har waqt sunnay wala hai is lihaz se woh Sami hai. Insan main jo quwat-e-samat hai woh Allah ki ata karda hai. Woh jub chahay cheen sakta hai aur insan main sunnay ka wasf us ki moot ke sath khatam ho jata hai albatta ruh main sunnay ka wasaf moot ke baad bhi mojod rehta hai. Insan ka wasf-e-samat kaan ke honay ke sath hai. Parwardigar e Alam ka wasf kaan ka mohtaj nahin balkeh us ka noor jo kainaat main har jagah par ahatah kiye howe hai is main quwat-e-samat ka wasf bhi mojood hai jo hamari samajh se bala hai. Bhar hal usay Sami janna hamare imaan ka lazmi hisa hai. Ya Samiu jamali hai us Ya Samiu ke adaad 180 hain. Usay Sami pukarnay se woh aap ki pukar ka foran jawab de ga. Zikr Ya Samiu ka wird karne ke bohat saray fayeday hain is ki bohat sari fazeelatain hain jin main se khuch bayan ki ja rahi hain.

Ya Samiu - Aay Sunnay Wale

wazifa Har Jaez Dua Ka Kabool Hona: Ye mustajab al dawat bannay ke liye bohat zabardast hai. Agar kisi shukhs ki ye khawahish ko ke falan kaam ke liye dua Allah ke hazoor main lazman qabool ho tou usay chahiye ke 11 rooz main 9000 martaba ye ism subah ke waqt parhay aur phir 9000 martaba yehi ism sham ke waqt parhay. Is ke baad gayarhwain rooz Allah ke hazoor dua kare Insha'Allah har jaez kaam ke liye dua kabool ho gi.

Image Ya Samiu Wallpaper

wazifa Kaan Dard Ka ilaj: Jis shukhs ke kaan main dard ya takleef ho tou is surat main aik hazar martaba ye ism parh kar kaan par phunk marain. Insha'Allah dard khatam ho jaye ga.

wazifa Behra Honay Se Bachne Ka Amal: Akhri umar main burhapay ki wajah se insan behra ho jata hai. Agar koi har namaz ke baad 11 martaba Ya Samiu ko parhnay ka mamool bana lay tou woh sari umar behray pan se mehfoz rahe ga.

wazifa Bawaseer Ka Rohani ilaj: Baaz auqaat ye hota hai ke tibi adwiyat is marz par kaam nahin kartien. Is surat main dawai ke uper is ism ko 12500 martaba parhain. Is ke baad dawai ko istimal karain. Insha'Allah dawai main asar paida ho jaye ga.

wazifa Hajat Puri Hone Ka Amal: "Ho Wassami ul Aleemu" hajat ke liye bohat mosar hai. Agar kisi ko koi hajat darpaish ho tou jumma ki sham ko is ism ko chand aadmi mil kar 18000 martaba parhain aur baad main sub mil kar Allah ke hazoor apne maqsad ko pura karne ke liye dua karain. Insha'Allah hajat puri ho gi. Aur is tarah ye amal 7 martaba karain.

Janwaron Ki Boli Jannay Ka Amal: Ye ism aisa hai ke agar koi ahl-e-rohaniat main se is ism ko kasrat se parhay aur is ke baad Allah Ta'ala se ye khawahish kare ke usay janwaron ki awazon ko samajhnay ki quwwat milay. Insha'Allah usay Allah Ta'ala samaat ki aisi quwat ata farmaye ga ke woh janwaron ki awazon ko samajhnay lage ga.

Naqsh Ya Samiu Taweez:

Jo insan dusron ko ism ism ka naqsh dena chahay tou Ya Samiu dus hazar bar parhay chalis din parhay aur rooz parhay aur parh lainay ke baad Ya Samiu ka naqsh dusron ko de ga tou bohat asar ho ga. Ya Samiu ka taweez mushkil kaam ke hal, qabuliat dua jesay kamon ke liye bohat hi behtareen hai.