Quaid e Azam Essay In Urdu: Siasat mein ghair mutnaza rehna kamal ki baat hai. Is ke liye jis bay dagh aur ujlay kardar ki zaroorat hoti hai wo zati qurbaniyon ke baghair hasil nahin hota. Pakistan kya dunya mein us ki misalain kam milti hain ke kisi siasat daan ke kardar ko us ke mukhalifeen bhi sarahtay hon. Quaid-e-Azam Muhammad Ali Jinnah sayasiyat alam ki aisi ghair mamooli shakhsiyat hain. Azmat kya hoti hai aur kese hasil ki jati hai? is bare mein mufakreen ke aqwal bohat mil jate hain lekin azmat ka bunyadi asool ye hai ke be gharz ho kar aisay kaam kiye jayain jin se insanon ki bari tadad ko faida pohanche. Quaid-e-Azam azmat ke asool par pura utarte hain.
Quaid e Azam Ki Zindagi In Urdu:
Wo haqeeqi manon mein hamare Quaid-e-Azam hain. Un ki begharzi ka ye alam tha ke unhon ne sub se pehle sakht discipline apni shakhsiyat par nafiz kiya tha. Wo apni zati kamyabi ke liye koi kaam nahin karte thay. Kaam aur sirf Kaam ka asool dusron ke liye baad mein aur apne liye pehle tha. Yehi wajah hai ke unhon ne mukhtasir si zindagi mein takhleeq Pakistan ka woh karnama anjam diya jis ki nazeer paish karne se tarikh qasar hai. Un ki dayanat darana zindagi ne un ki qayadat ko karishmati bana diya tha. Ye koi mamooli baat nahin ke bar-e-sagheer ke Musalman un ke aik ishare par har qurbani dene ko tayar ho jate thay. Quaid-e-Azam ki siyasat se ye gur har siyasat daan ko seekhna chahiye tha ke naik neeyati aur ikhlas hi wahid hathyar hai jis se har jang jeeti ja sakti hai. Kardar ki bulandi na ho tou koi siasat daan, leader nahin ban pata, na woh hujoom ko qaum bana sakta hai.
Bani Pakistan ki mehsoor kun shakhsiyat ke mazahir bohat se hain. Us tareek dor ka andaza lagayain ke Angreez ne Musalmanon se iqtidar chena tha. 1857 ki jang-e-azadi ke baad Musalman, Angreez ke mazalim ka sub se bara hadaf thay, phir tehreek khilafat ki nakami ne bar-e-sagheer ke Musalmanon ko bohat mayoos kiya tha. Hindu, Angreez ke itihadi ban chukay thay, Musalmanon ne halaat se tang akar aik hi rah ikhtiyar kar li thi, woh apne khool mein simat gye thay, shikast un ka mazaj bannay lagi thi. Karishmati aur ghair mutnaza qayadat ki kami thi. Aisay mein Quaid e Azam ne un mein jo jazba paida kiya, wo un ki ragon mein taza khoon ban kar dornay laga. Haqeeqat tou ye hai ke Tehreek-e-Pakistan ki kamyabi Quaid-e-Azam ke baghair namumkin thi. Kyoun ke Allah Ta'ala ne unhain is azeem maqsad ke liye muntakhib kiya tha.
Hindustan mein wakalat aur siasat par apne gehrre naqoos muratab karne ke baad Quaid-e-Azam London chale gye aur wahan Qunoon ki practice shuru kar di. Ye wo dor tha jub bar-e-sagheer mein Musalmanon ka amlan koi leader na tha chunachay Hindustan wapas akar Quaid-e-Azam ne Muslim League ko Musalmanon kiazeem awami siasi jamat mein tabdeel kar diya. Bari hairat angeez haqeeqat hai ke Quaid-e-Azam ki zair-e-aqyadat bohat kam arsay mein na sirf Musalmanon mein josh-o-kharosh paida hua balkeh Hindu aur Angreez, Musalmanon ko judagana siasi quwat mannay par majboor ho gye. Ye Quaid-e-Azam ki qayadat thi jis ne Musalmanon ki azadi aur judagana watan ke tasawar ko tehreek ki shakal de di. Aaj ye samjha jata hai ke siasat asool wagera se balatar hoti hai, is mein jhoot aur har tarah ka jor tor jaez hota hai lekin hairat angeez haqeeqat ye hai ke Quaid-e-Azam ki siasat hamesha khari, sachi aur saaf suthri rahi aur un ki siasat ne hamain azad watan dilaya. 11 september 1948 ko 71 saal ki umar mein un ka intiqal hua tou Pakistan hi nahin, dunya bhar ke Musalman gham se nidhal thay.
Quaid e Azam Ki Zindagi In Urdu:
Wo haqeeqi manon mein hamare Quaid-e-Azam hain. Un ki begharzi ka ye alam tha ke unhon ne sub se pehle sakht discipline apni shakhsiyat par nafiz kiya tha. Wo apni zati kamyabi ke liye koi kaam nahin karte thay. Kaam aur sirf Kaam ka asool dusron ke liye baad mein aur apne liye pehle tha. Yehi wajah hai ke unhon ne mukhtasir si zindagi mein takhleeq Pakistan ka woh karnama anjam diya jis ki nazeer paish karne se tarikh qasar hai. Un ki dayanat darana zindagi ne un ki qayadat ko karishmati bana diya tha. Ye koi mamooli baat nahin ke bar-e-sagheer ke Musalman un ke aik ishare par har qurbani dene ko tayar ho jate thay. Quaid-e-Azam ki siyasat se ye gur har siyasat daan ko seekhna chahiye tha ke naik neeyati aur ikhlas hi wahid hathyar hai jis se har jang jeeti ja sakti hai. Kardar ki bulandi na ho tou koi siasat daan, leader nahin ban pata, na woh hujoom ko qaum bana sakta hai.
Bani Pakistan ki mehsoor kun shakhsiyat ke mazahir bohat se hain. Us tareek dor ka andaza lagayain ke Angreez ne Musalmanon se iqtidar chena tha. 1857 ki jang-e-azadi ke baad Musalman, Angreez ke mazalim ka sub se bara hadaf thay, phir tehreek khilafat ki nakami ne bar-e-sagheer ke Musalmanon ko bohat mayoos kiya tha. Hindu, Angreez ke itihadi ban chukay thay, Musalmanon ne halaat se tang akar aik hi rah ikhtiyar kar li thi, woh apne khool mein simat gye thay, shikast un ka mazaj bannay lagi thi. Karishmati aur ghair mutnaza qayadat ki kami thi. Aisay mein Quaid e Azam ne un mein jo jazba paida kiya, wo un ki ragon mein taza khoon ban kar dornay laga. Haqeeqat tou ye hai ke Tehreek-e-Pakistan ki kamyabi Quaid-e-Azam ke baghair namumkin thi. Kyoun ke Allah Ta'ala ne unhain is azeem maqsad ke liye muntakhib kiya tha.
Short Quaid-e-Azam Essay For 8th Class
Quaid e Azam ne 1893 mein jabkeh wo 17 saal ke thay wakalat ki taleem ke liye London ka safar kiya. Us zamanay mein congress ke aik baray leader Dadabhai Naoroji jo darul aloom ke liye election lar rahe thay. Quaid-e-Azam ne un ki tawajah hasil ki, phir 1896mein Hindustan wapas akar wakalat ke shobay mein kamyabiyan hasil kien aur Congress se siasat ka aghaz kiya. Unhon ne Congress mein tezi ke sath numayan muqam hasil kiya. Mutehda Hindustan aur Hindu Muslim ittihad ke liye un ki khidmat ne unhain Congress ka qabil tareef leader bana diya tha aur Muslim League ke halqay bhi un ke madah thay lekin Musalmanon par Hinduon ke barhay hue muzalim aur Congress ke mutasbana rawaiye ne unhain bohat bad dil kar diya. |
| Quaid-e-Azam History In Urdu |
No comments:
Post a Comment